Rev 7 | SOQ | STEP | Ema aupe ne ensel 4 ewamodinee. Mo tawo moawa 4 ruawantone deadea eneie tawo lanunuwa 4 tawo moawa sawo ieia enabodasaiena. Ita sala uduudu dainaidalen. Mai lanunu da tawo ita owa osowe weuwapona ba ia da tepasapona, diaida.

Revelation of John 7

Ensel apana mida God mampea makasamode

1 Ema aupe ne ensel 4 ewamodinee. Mo tawo moawa 4 ruawantone deadea eneie tawo lanunuwa 4 tawo moawa sawo ieia enabodasaiena. Ita sala uduudu dainaidalen. Mai lanunu da tawo ita owa osowe weuwapona ba ia da tepasapona, diaida. 2 Tane ne ensel da omo wisediawo odedio ewedinee. Me God wanwankasalala makawa itumpaa nituwa witapa osowe wadene do odedie. Me ipa ensel 4, mida muka wadeiena tawo ita owa kadisapua baiwa, mukaidalene diamone wanase, 3 “Mai tawo, owa, ba ia da kadisana, dia!Bauta apana mida God mampea simbiasaia nambu osowe no God makawa ituto, muriwa tawo ita owa kadimonatuwapi!” 4 Ensel epe wano ita aia da apana makalala nambau benemawaleidio etana. Namba benemalena ipa 144.000. Ita mo makalala ipa Israel damba uduudu 12 bedeuwo. 5 Iuda damba bedewe apana uduudu 12.000 makasamoiena. Do Ruben damba bedewe apana 12.000, ita Gad damba bedewe 12.000, 6 do Asea damba bedewe 12.000, ita Napitali damba bedewe 12.000, do Manase damba bedewe 12.000, 7 ita Simion damba bedewe 12.000, do Lewi damba bedewe 12.000, ita Isaka damba bedewe 12.000, 8 do Sebulun damba bedewe 12.000, do Iosep damba bedewe 12.000, ita do Beniamin damba bedewe apana 12.000 makasamoiena.

9 Ema aupe apana uaraia wisiasiawaia ewamodinee. Mo uwa daitada bedeuwoe wimoiena. Mo ipa dan daitada apanawa, ita ete daitada, ita do aia daitada wawalala bedeuwoe wimone kolaiwata ita Sip sanaa danawe eneie. Mo garau sapusapua daumawa taumoie ita witapo notonkela asiwa otamoie do eneie. 10 Ita mo aiau mukama wane waienase,“Ina intawa dea os no Godimba kolaiwatawa osowe wandia ita Sip sanaa mampo winede.” 11 Mo mukantone epe waio ensel uduudu wimone kolaiwata, ita mo eiau ita do nitu da wanwanlala 4 enane panamoiena. Tane muba ituaisintone uwau dunemone kolaiwata danawe ituntone wadapos mampe God ionoidosaie waiase,

12 “Amen! Tatamba Godimba, e ipa ionoidoa mukamukauaida. Aten ita muka uduudu, do sapaida e manawoa winakasaleidia. E ipa kakaiwa dodomanaida, apana uduudu ande ita ando auwadewasaempe, wadaposintompe, ionoidoempo wankasaitona. Amen.”

13 Tane mo eiau bedeuwo dea ne waitaranene wanase, “Apana garau sapusapua daumawa tautaulala ewamoiana mo mida, nainta wimoiena, e ateiten, ba dia?”

14 Ne me sipoasane wanase, “Debamana, sa ne mai atenteapona, e ateitena waa!” Ita me ne dianene wanase,“Mo ipa poka debamaia rebarebaida walamawa osowe euda os nomone mape wimoiena apanawa. Mo Sip sanaa osinawa mampe garau mitamoieno sapusapuaida seganton.

15 Sa baiwa mo God kolaiwatawa danawe waimoie tadina ita walama ruawantoie me duwa bedewe me simbiasaie nolawa dewasai.Tane mida kolaiwata osowe wandia me mo do waimoie nuawemodie oniadewasamode. 16 Mo mai nana ba esa omanawatomopi, bauta mampo segaleidia rua, dia! Tane mo walama uduudu nana nampe pokamompo waimompa. Mai omo polawa ba dima polapolaua da etepu ipio kadilepi, bauta mampo dewaleidia rua, diaida! 17 Ipawa Sip sanaa kolaiwata osowe sawano wandia me ipa gamo onioniau ruawa oniadewasamompa. Me banlamopie maneu esawa mampe wimopue inawinakasalala esawa napu. Ita God mo emauwo ke siniepiaubepi.”